431-4000
til að panta tíma og til að kaupa gjafakort
 
 
Brazilian Keratín meðferð

 

Classic Hárstofa er með fyrstu hársnyrtistofum landsins til að bjóða upp á þessa byltingarkenndu hármeðferð en það samræmist fyllilega þeim markmiðum okkar að vera ávallt í fremstu röð og fylgja nýjustu straumum og stefnum í hártískunni.

Brazilian Blow Dry (Brazilian Blow Out, Brazilian Keratin, Natura Keratin o.s.fr.v. er allt sama aðferðin) hefur notið mikilla vinsælda erlendis undanfarin ár og breytt lífi margra kvenna hvað varðar hárumhirðu til hins betra. Með þessari meðferð verður hárið heilbrigðara, mýkra, sléttara og mjög glansmikið. Þess utan verður öll dagleg meðhöndlun hársins mun fljótlegri, áhrifaríkari og endingarbetri, auk þess verður hárið mótstöðumeira gagnvart raka.


Hvað er Brazilian Keratin?

Meðferðin felst í að keratin (sem svipar til próteins sem er í nöglum, húð og hári) er borið í hárið, efnið gefur mikinn raka ásamt því að hreinlega „gera við“ skemmdir í hárstönglinum og mynda verndarlag yfir hvert hár. Hárið verður sléttara, minnkar allt að 95% ýfing úr hári, hárið verður mjúkt og glansandi, blásturstími verður helmingi styttri og sléttujárn í sumum tilfellum óþarft.

 

Módelið hennar Önnu hjá London Hair Training SchoolMódelið hennar Önnu hjá London Hair Training School

Spurningar og svör:

Hversu lengi endist meðferðin? Um það bil 2-4 mánuði eftir hárgerð, hversu oft hárið er þvegið, hvaða hárvörur eru notaðar og hversu oft Brazilian Keratín hefur verið sett í  hárið.

Sléttar meðferðin hárið? Já, að einhverju leiti, fer eftir hárgerð og hversu liðað hárið er. Útkoman er allt frá því að losa um og minnka mikla liði yfir í að slétta hárið nánast alveg en það fer eftir því hversu opið(þurrt og illa farið)hárið er, hver grófleikinn er og hversu liðað hárið er.  Því opnara sem hárið er því betri og meiri árangur fæst.

Má  þvo hárið á fyrsta degi? Já, en til að meðferðin endist sem lengst er nauðsynlegt að nota sjampó og hárnæringu sem sérstaklega er ætlað í hár sem hefur fengið þessa meðferð.

Má lita hárið á eftir? Það má lita hárið hvenær sem er fyrir meðferð,  jafnvel sama daginn og liturinn endist bara betur. Annars skal bíða í 2 vikur eftir meðferð.

Hversu langan tíma tekur meðferðin? Á milli 2-4 klst, fer eftir sídd, þykkt og áferð hársins.  Fyrsta skiptið tekur lengstan tímann en því oftar sem Brazilian Keratín er sett í hárið því styttri tími og betri árangur.

Hversu oft má setja Brazilian Keratín í hárið? Eins oft og þú vilt, en ágætt er að miða við að hafa ca. 3 mánuði á milli meðferða.

Frekari upplýsingar hjá Classic Hárstofu

 

Módel mánaðarins

"Hæ hæ ég heiti Dísa og var valin módel mánaðarins hjá Classic Hárstofu.
Ég er þessi týpa sem hefur alltaf verið eins. Var með meðalsítt hár sem var oftast í tagli og toppurinn festur niður með spennum.

Ég mætti til Önnu Júliu á Classic Hárstofu í byrjun desember . Stofan er mjög hlý og mjög notalegt andrúmsloft. Við mig var dekrað og þegar ég gekk út af stofunni var ég orðin stuttklippt með flottan ljósan blæ í hárinu og mjög ánægð. Í dag er hárið á mér alltaf flott, engar teygjur og mér líður eins og nýrri manneskju.

Ég fór á Classic með opnum hug og skvísurnar á Classic sáu út hvaða klipping myndi fara mér best og hvaða fallegu litir pössuðu við mig.
Ég vil þakka Önnu Júlíu fyrir frábært dekur og frábærar móttökur. Ég mæli eindregið með því að þið allar sem langar í flotta klippingu, nýtt útlit og dekur skelli sér á Classic Hárstofu.
...ég mun sko pottþétt koma aftur......

Takk fyrir mig  kveðja Dísa"

 

Hvað segir hársnyrtimeistarinn

Finndís eða Dísa var valin úr hópi umsækjanda til að gerast módel mánaðarins og gangast undir útlitsbreytingu.  Dísa mætti á stofuna og var til í allt, einu skilyrðin sem hún  setti, var að hún yrði hvorki  lituð rauðhærð né svarthærð.
Ég valdi að klippa vel neðan af hárinu, aðeins upp í hnakka með léttum styttum neðst.  Þessi lína undirstrikar vel  kjálkalínuna og kinnbeinin ásamt því að lengja hálsinn.  
Hvað litinn varðar valdi ég að setja ljósgylltan lit með smá „violet“ undirtón til að drepa niður gula tóninn sem var fyrir í hárinu, ég setti líka ljósar og moccabrúnar strípur til að fá hreyfingu í litinn.  Markmið mitt var að skapa línu sem hentaði Dísu vel og væri auðvelt og fljótlegt fyrir hana að hafa sig til.   

Anna Júlía, hársnyrtimeistari og stofueigandi

Langar þér að gerast módel mánaðarins á Classic Hárstofu?  Sendu umsókn ásamt mynd á This e-mail address is being protected from spambots. You need JavaScript enabled to view it

 

Nýr starfsmaður og vinningshafi

Sædís ÖspSædís Ösp

Nýr starfsmaður

Það er okkur sönn ánægja að kynna til starfa nýjan starfskraft á Classic Hárstofu en í upphafi desembermánaðar hóf Sædís Ösp Runólfsdóttir störf sem nemi á stofunni okkar og bjóðum við hana hjartanlega velkomna.

 

Vinningshafi

Að venju veljum við vinningshafa mánaðarins en sú heppna í þetta skiptið er Ásrún Ösp Jóhannesdóttir og bíður hennar gjafakort á Classic Hárstofu.

Við óskum Ásrúnu til hamingju með vinninginn og vonum að hún njóti hans vel.

Dregið verður út að nýju þann 28. desember n.k.


 

Vinningshafi októbermánaðar

Í hverjum mánuði mun Classic Hárstofa draga út heppinn vinningshafa úr hópi þeirra sem skráð hafa sig á póstlistann okkar.

Sú heppna   þennan mánuðinn er Kolbrún Júlía og fær hún að gjöf hárþvott og klippingu.

Á myndinni hér til hliðar má sjá Kolbrúnu með gjafakortið.  Við óskum Kolbrúnu til hamingju með vinninginn og vonum að hún njóti hans vel.

Dregið verður út að nýju þann 24. nóvember n.k.

 

Vinningshafi Septembermánaðar

Í hverjum mánuði mun Classic Hárstofa draga út heppinn vinningshafa úr hópi þeirra sem skráð hafa sig á póstlistann okkar.

Sú heppna   þennan mánuðinn erTinna Ósk Grímarsdóttir og fær hún að gjöf Hárþvott- og djúpnæringarmeðferð.

Á myndinni hér til hliðar má sjá Tinnu taka við gjafakortinu úr hendi Önnu Júlíu eiganda Classic Hárstofu.  Við óskum Tinnu til hamingju með vinninginn og vonum að hún njóti hans vel.

Dregið verður út að nýju þann 24. október n.k.

 

«StartPrev12NextEnd»

Page 1 of 2

Póstlistinn

Gjafakort

Við erum á Facebook